لاہور : پاکستان میں کم ازکم تنخواہ ایک ہزار ڈالر کے برابر کرنے کی درخواست دائر کردی گئی۔
تفصیلات کے مطابق سپریم کورٹ لاہوررجسٹری میں پاکستان میں کم از کم تنخواہ ایک ہزار ڈالر کے برابر کرنے کیلئے درخواست دائر کردی گئی۔
درخواست فہمید نوازایڈووکیٹ نے دائر کی ، درخواست میں وفاقی حکومت اورصوبائی حکومتوں کو فریق بنایا گیا ہے۔
درخواست میں مؤقف اختیار کیا گیا کہ پاکستان برطانیہ کی کالونی رہااور وہی قوانین یہاں پر لاگو ہیں، کیسزمیں بھی امریکا اور برطانوی عدالتوں کےفیصلوں کو مانا جاتا ہے۔
درخواست میں مزید کہا گیا کہ امریکا اور برطانیہ کے قوانین کو بھی پاکستان میں مانا جاتا ہے، پاکستان میں بھی برطانوی اور امریکی لیبر قوانین ہونے چاہئیں۔
درخواست گزار نے استدعا کی کہ امریکا اور برطانیہ میں کم از کم تنخواہ ایک ہزار ڈالر مقرر ہے ، عدالت پاکستان میں کم از کم تنخواہ ایک ہزار ڈالر مقرر کرنے کا حکم دے۔
