site
stats
پاکستان

سانحہ ماڈل ٹاؤن:جوڈیشل انکوائری منظرعام پرلانے کے لیے ہائی کورٹ سے رجوع

Model Town

لاہور : سانحہ ماڈل ٹاؤن کی جوڈیشل انکوائری رپورٹ منظر عام پر لانے کے لئے لاہور ہائیکورٹ سے رجوع کر لیا گیا ہے۔

تفصیلات کے مطابق سول سوسائٹی کے سربراہ عبداللہ ملک کی جانب سے درخواست دائر کی گئی ہے، جس میں سانحہ ماڈل ٹاون کی جوڈیشل انکوائری کی رپورٹ کو منظر عام پر نہ لانے کے اقدام کو چیلنج کیا گیا ہے۔

درخواست میں مؤقف اختیار کیا گیا ہے کہ تین سال کا عرصہ گزر چکا ہے لیکن سانحہ ماڈل ٹاؤن کی جوڈیشل انکوائری کی رپورٹ منظر عام پر نہیں لائی گئی، جوڈیشل انکوائری کی رپورٹ منظر عام پر نہ آنے کی وجہ سے متاثرہ خاندانوں کو انصاف نہیں مل سکا۔

دائر درخواست گزار کے مطابق جوڈیشل انکوائری کی رپورٹ میں سانحہ ماڈل ٹاون کے ذمہ داروں کا تعین کیا گیا، اسی لیے حکومت رہورٹ کو منظر عام پر نہیں لا رہی، جوڈیشل انکوائری کی رپورٹ کو منظر عام پر نہ لانا آئین کے آرٹیکل 9، 14 اور 25 کی نفی ہے۔

درخواست میں استدعا کی گئی کہ سانحہ ماڈل ٹاؤن کی جوڈیشل انکوائری کو جلد از جلد منظر عام پر لانے کے احکامات جاری کیے جائیں۔

یاد رہے کہ ڈھائی سال پہلے پولیس کی جانب سے ماڈل ٹاون میں منہاج القرآن مرکز کے ارد گرد سے رکاوٹیں ہٹانے کے نام پر آپریشن کیا گیا جہاں کارکنوں اور پولیس کے درمیان مزاحمت ہوئی، پولیس کے شدید لاٹھی چارج کے سبب 14 افراد جاں بحق اور درجنوں زخمی ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top