لاہور : لاہور ہائیکورٹ نے سابق وزیر اعظم نواز شریف سے "سر” کا خطاب واپس لینے کے لئے درخواست پر وفاقی حکومت کو نوٹس جاری کرتے ہوئے دس نومبر تک جواب طلب کر لیا۔

تفصیلات کے مطابق لاہور ہائیکورٹ نے سابق وزیر اعظم نواز شریف سے "سر” کا خطاب واپس لینے کے لئے درخواست کی سماعت ہوئی ، درخواست گزار نے مؤقف اختیار کیا کہ عدالت کو اختیار ہے کہ میاں نواز شریف سے سر کا خطاب واپس لینے کا حکم دے۔

دائر درخواست میں کہا گیا کہ پانچ برسوں سے اس کیس پر سماعت جاری ہے، نواز شریف کی جانب سے نہ تو کوئی پیش ہوا اور نہ ہی جواب داخل کروایا گیا۔

درخواست میں استدعا کی گئی کہ عدالت نواز شریف سے سر کا خطاب واپس لینے کا حکم دے۔

عدالت نے قرار دیا کہ نواز شریف سے سر کا خطاب واپس لینے کا فیصلہ وفاقی حکومت کر ے گی۔ دلائل کے بعد عدالت نے وفاقی حکومت کو نوٹس جاری کرتے ہوئے دس نومبر تک جواب طلب کر لیا۔

یاد رہے کہ پاکستان کی پچاس سالہ تقریبات کے موقع پر برطانوی ملک نے وزیر اعظم میاں نواز شریف کو سر کا خطاب دیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔