اسلام آباد: پاکستان اور آئی ایم ایف کے درمیان بجٹ مذاکرات میں عالمی مالیاتی فنڈ نے مطالبہ کیا ہے کہ کیش پر پٹرول اور ڈیزل 2 روپے مہنگا کیا جائے۔
تفصیلات کے مطابق پاکستان کے ساتھ ہونے والے بجٹ مذکرات میں انٹرنیشنل مانیٹری فنڈ حکام نے کہا کہ کیش پر پٹرول اور ڈیزل 2 روپے مہنگا جبکہ ڈیبٹ کارڈ اور کریڈٹ کارڈ پر پٹرول اور ڈیزل 2 روپے سستا دیا جائے، کیش خریداری پر سیلز ٹیکس 18 کے بجائے 20 فیصد کیا جائے۔
آئی ایم ایف نے کہا کہ کیش اور غیر دستاویزی معیشت کی حوصلہ شکنی کی جائے، ڈیبٹ کارڈ اور کریڈٹ کارڈ پر شاپنگ میں سیلز ٹیکس 2 فیصد کم کیا جائے۔
بجٹ 26-2025: آئی ایم ایف نے پاکستان سے بڑا مطالبہ کر دیا
نان فائلرز کی کیٹیگری مکمل طور پر ختم کی جائے، پاکستان میں صرف فائلرز کو گاڑی خریدنے کی اجازت دی جائے، نان فائلرز کے لیے گاڑی خریدنے پر پابندی برقراررکھی جائے، پاکستان میں صرف فائلرز کو بیرون ملک جانے کی اجازت دی جائے۔
آئی ایم ایف نے کہا کہ نان فائلرز کےلیے بیرون ملک جانے پر پابندی برقرار رکھی جائے، پاکستان میں صرف فائلرز کو پراپرٹی خریدنے کی اجازت دی جائے۔
نان فائلرز کے پراپرٹی خریدنے پر پابندی برقرار رکھی جائے، نان فائلرز کے 50 ہزار کیش نکلوانے پر اضافی ودہولڈنگ ٹیکس بڑھایا جائے۔
انٹرنیشنل مانیٹری فنڈ کا مزید کہنا تھا کہ نان فائلرز کے 50 ہزار روپے نکلوانے پر ودہولڈنگ ٹیکس 0.6 سے بڑھاکر 1.2 فیصد کیا جائے۔
آئی ایم ایف چاہتا ہے آئندہ مالی سال کے بجٹ میں ٹیکس آمدن بڑھائی جائے، نتھن پورٹر
