حکومت کی جانب سے پیٹرولیم مصنوعات کی قیمتوں میں اضافے کیے جانے کے بعد ٹرانسپورٹرز نے کرایوں میں من مانا اضافہ کردیا۔
پبلک ٹرانسپورٹ چلانے والوں نے پیٹرولیم مصنوعات کی قیمتیں بڑھتے ہی مرضی کے کرایے وصول کرنا شروع کردیے ہیں جب کہ سستی پبلک ٹرانسپورٹ بھی مہنگی ہو گئی ہے۔
پٹرولیم مصنوعات کی قیمتیں بڑھتے ہی بسوں اور کوچز کے کرایوں میں 20 سے 30 روپے کا اضافہ کردیا گیا جبکہ گڈز ٹرانسپورٹرز نے بھی کرایہ بڑھا دیے گئے ہیں، اس کے علاوہ انٹرا بس سروس کے کرایوں میں بھی اضافہ کردیا گیا۔
حکومت نے پیٹرولیم مصنوعات کی قیمتوں میں اضافہ کردیا
واضح رہے کہ حکومت کی جانب سے گزشتہ روز آئی ایم ایف کی شرائط پر عمل درآمد کرتے ہوئے رات گئے پیٹرولیم مصنوعات میں بڑا اضافہ کر کے عوام پر مہنگائی بم گرا دیا گیا۔
حکومت کی جانب سے پیٹرول کی قیمت میں 22 روپے 20 پیسے اضافے کا اعلان کیا گیا ہے جس کے بعد پیٹرول کی فی لیٹر قیمت 272 روپے ہوگئی ہے۔
