حکومت کی جانب سے پیٹرولیم مصنوعات کی قیمتوں میں اضافہ کردیا گیا ہے۔
اے آر وائی نیوز کے مطابق پیٹرولیم مصنوعات کی قیمتوں میں اضافے کا نوٹیفکیشن جاری کردیا گیا ہے جس کے مطابق پیٹرول کی قیمت 56 پیسے فی لیٹر بڑھائی گئی ہے۔
پیٹرول کی نئی قیمت 252 روپے 66 پیسے فی لیٹر مقررر ہوگئی۔
- Advertisement -
ہائی اسپیڈ ڈیزل کی قیمت میں 2 روپے 96 پیسے اضافہ کیا گیا ہے جس کے بعد ڈیزل کی نئی قیمت 258روپے 34 پیسے ہوگئی ہے۔
واضح رہے کہ پیٹرولیم مصنوعات کی قیمتوں کا اطلاق رات 12 بجے سے ہوگا جبکہ حکومت کی جانب سے ہر پندرہ روز کے بعد پیٹرولیم مصنوعات کی نئی قیمتوں کا اعلان کیا جاتا ہے۔
