اسلام آباد: پاکستانی عوام کو عید الفطر کے موقع پر پیٹرول کی قیمتوں کے حوالے سے بڑی خوشخبری ملنے کا امکان ہے۔
تفصیلات حکومت کی جانب سے عالمی سطح پر تیل کی قیمتوں میں کمی کے پیش نظر یکم اپریل سے پیٹرول اور ڈیزل کی قیمتوں میں کمی متوقع ہے تاہم قیمتوں میں کمی کے صحیح اعداد و شمار کو ابھی تک حتمی شکل نہیں دی گئی ہے۔
ذرائع نے بتایا کہ عالمی منڈی میں تیل کی قیمت 1.50 ڈالر فی بیرل کم ہو کر 7.24 ڈالر سے 5.84 ڈالر فی بیرل ہو گئی جبکہ ڈیزل کی قیمتوں میں بھی $0.60 فی بیرل کی کمی دیکھی گئی ہے۔
تیل کی عالمی قیمتوں میں اس کمی کا جنوبی ایشیائی ملک میں ایندھن کی قیمتوں پر مثبت اثر پڑنے کا امکان ہے۔
ذرائع کا کہنا ہے کہ پیٹرول کی قیمتوں میں تقریباً 3 سے 3.50 روپے فی لیٹر اور ڈیزل کی قیمت میں تقریباً 3 روپے فی لیٹر تک کمی ہو سکتی ہے۔
آئل اینڈ گیس ریگولیٹری اتھارٹی (اوگرا) قیمتوں میں مجوزہ ایڈجسٹمنٹ کی سمری وزیراعظم کو پیش کرے گی، منظوری کے بعد وزارت خزانہ نئی قیمتوں کے نفاذ کا باضابطہ نوٹیفکیشن جاری کرے گی۔
قیمتوں میں اس متوقع کمی سے مہنگائی کے ستائے عوام کو ریلیف ملے گا۔
اس سے 15 دن قبل پاکستانی حکومت نے پیٹرولیم مصنوعات کی قیمتیں برقرار رکھی تھی، جس کے تحت پیٹرول کی قیمت 255.63 روپے اور ڈیزل کی قیمت 258.64 روپے ہے۔
