اسلام آباد : پیٹرولیم مصنوعات کی قیمتوں میں آج بڑی کمی کا امکان ہے تاہم اصل سوال یہ ہے کہ پیٹرول کتنے روپے سستا ہوگا؟
تفصیلات کے مطابق عالمی مارکیٹ میں تیل کی قیمتوں میں کمی کا رجحان کے باعث پاکستانی عوام کو بھی ریلیف ملنے کا امکان ہے۔
ذرائع نے بتایا کہ پیٹرولیم مصنوعات کی قیمتوں میں11 روپے سے زائد کی کمی کا امکان ہے، جس میں پیٹرول 5 روپے فی لٹر سے زائد دسستا ہونے اور ہائی اسپیڈ ڈیزل کی قیمت میں11 روپےفی لٹر سے زائد کمی متوقع ہے۔
ذرائع کا کہنا ہے کہ روپے کی قدر مستحکم رہنے سے بھی ریلیف ملنے کا امکان ہے، لیوی کی شرح میں اضافے سے ریلیف میں کمی ہوسکتی ہے۔
ذرائع نے کہا ہے کہ اوگرا پیٹرولیم مصنوعات کی قیمتوں کی سمری آج ارسال کرے گی ، وزارت خزانہ وزیراعظم کی منظوری کےبعدنئی قیمتوں کااعلان کرے گی۔
