ٹبہ سلطان پور : پٹرول پمپ مالکان نے پیٹرول کی قیمت میں خودساختہ اضافہ کردیا ، جس کے بعد پیٹرول 250 کے بجائے 265 روپے میں فروخت کیا جارہا ہے۔
تفصیلات کے مطابق پنجاب کے ضلع وہاڑی میں ٹبہ سلطان پور میں پٹرول پمپ مالکان نے پیٹرول کی قیمت میں خودساختہ اضافہ کردیا۔
پیٹرول کی 250 کے بجائے 265 روپے میں فروخت جاری ہے ، سرکاری ریٹ سے زیادہ وصول کرنیوالے پٹرول پمپ کی ویڈیو وائرل ہوگئی۔
ویڈیو میں پٹرول 265روپے مشین میں درج کیاہوا دیکھا جاسکتا ہے۔
یاد رہے پنجاب کے مختلف شہروں میں پیٹرول کی مصنوعی قلت پیدا ہوگئی، پمپوں پرپیٹرول اور ڈیزل کی عدم دستیابی پر شہری پریشان ہے جبکہ گلی محلوں میں قائم غیر قانونی منی پٹرول پمپس پر بلیک میں فروخت ہورہا ہے۔
خیال رہے ملک میں ڈالر عدم دستیابی، آئل چین سسٹم میں رکاوٹ، ریفائنریز کی پیداوار رکنے لگی ہے ، جس کے باعث ملک میں پیٹرولیم مصنوعات کا بحران سر اٹھانے کا خدشہ ہے۔
