اسلام آباد: حکومت نے آئندہ 15 دنوں کےلیے پٹرول مصنوعات کی قیمتوں کا اعلان کردیا ہے، پٹرول کی قیمتوں میں کوئی ردو بدل نہیں کیا گیا۔
اے آر وائی نیوز کے مطابق اگلے 15 دنوں کےلیے ملک میں پٹرولیم مصنوعات کی قیمتیں مقرر کردی گئی ہیں جس کا نوٹیفکیشن بھی جاری کردی گیا ہے، ہائی اسپیڈڈیزل کی قیمت میں 2 روپےفی لیٹر کی کمی گئی ہے۔
نوٹیفکیشن میں بتایا گیا ہے کہ ہائی اسپیڈ ڈیزل کی نئی قیمت 254 روپے 64 پیسے فی لیٹر مقرر کی گئی ہے، پیٹرول کی قیمت برقرار رکھنے کا فیصلہ کیا گیا, پیٹرول کی قیمت 252 روپے 63 پیسے فی لیٹر پر برقرار ہے۔
مٹی کے تیل کی قیمت میں 5 روپے 4 پیسے فی لیٹر کمی ہوئی، مٹی کے تیل کی نئی قیمت 164 روپے 65 پیسے فی لیٹر مقرر کی گئی ہے۔
اس کے علاوہ لائٹ ڈیزل کی قیمت میں 4 روپے 68 پیسے فی لیٹر کم کیے گئے ہیں، نوٹیفکیشن کے مطابق لائٹ ڈیزل کی نئی قیمت 150 روپے 65پ یسے فی لیٹر ہوگی۔
وزارت خزانہ نے پٹرولیم مصنوعات کی قیمتوں کا جو نوٹیفکیشن جاری کیا اس کے تحت قیمتوں میں کمی کا اطلاق 16 سے 31 مئی تک ہوگا۔
