پنجاب فوڈ اتھارٹی نے ملاوٹی دودھ فروشوں کے خلاف کارروائی کرتے ہوئے ہزاروں لیٹر ملاوٹ شدہ دودھ اور مضر صحت ماوا تلف کر دیا۔
اے آر وائی نیوز کے مطابق پنجاب فوڈ اتھارٹی ملاوٹ والا دودھ فروخت کرنے والوں کے خلاف سرگرم ہو گئی اور گجرات کے مختلف علاقوں میں کارروائیوں کے دوران ہزاروں لیٹر ملاوٹی اور مضر صحت دودھ اور اس سے بنا ہوا ماوہ تلف کر دیا۔
ترجمان فوڈ اتھارٹی کے مطابق سیفٹی ٹیموں کی جانب سے شہر کے داخلی وخارجی راستوں پر ناکہ بندی کردی گئی ہے، 50 ہزار لیٹر سے زائد دودھ کا معائنہ کیا گیا جبکہ 37 دودھ فروشوں کو 2 لاکھ سے زائدکے جرمانے کئے گئے۔
اس کارروائی کے حوالے سے متعلقہ حکام کا کہنا ہے کہ 2800 لیٹر سے زائد مضرصحت دودھ موقع پرتلف کردیا گیا، جدیدترین مشین لیکٹواسکین کے ذریعے کیے گئے ٹیسٹ ناقص پائے جانے پر کارروائی عمل میں لائی گئی۔
پنجاب میں شدید دھند، موٹر ویز مختلف مقامات پر بند
ترجمان فوڈ اتھارٹی کے مطابق دودھ میں پانی کی ملاوٹ سے قدرتی چکنائی کی کمی پائی گئی، غیر معیاری ملاوٹی دودھ کو ملحقہ علاقوں میں سپلائی کیا جانا تھا۔
