The news is by your side.

Advertisement

پنجاب فوڈ اتھارٹی کی لاہور میں کارروائی، جعلی کولڈڈرنکس بنانے والی فیکٹری سیل

لاہور: پنجاب فوڈ اتھارٹی نے لاہور میں کارروائی کرتے ہوئے معروف برانڈ کی جعلی کاربونیٹڈ ڈرنکس بنانے والی فیکٹری سیل کردی۔

تفصیلات کے مطابق پنجاب فوڈ اتھارٹی نے لاہور میں کارروائی کرتے ہوئے جعلی کاربونیٹڈ ڈرنکس بنانے والی فیکٹری کو بند کرتے ہوئے مضر صحت ڈرنکس پکڑلیں۔

پنجاب فوڈ اتھارٹی کے دوران 20 ہزار سے زائد لیبلز اور ڈھکن سمیت 50 کلو مصنوعی فلیورز اور کیمیکلز برآمد کیے گئے جو کینسرکی بیماریوں کا سبب بنتے ہیں۔

ڈی جی فوڈز کے مطابق شہر کے مضافاتی علاقے میں جعلی یونٹ لگایا گیا تھا جہاں گندے پانی، کیمیکلز، مصنوئی فلیورز اور رنگ سے جعلی مشروب بنایا جا رہا تھا۔

ڈی جی فوڈز کے مطابق معروف برانڈ کے مشروب کی بڑی کھیپ عید کے لیے بنائی جا رہی تھی، کارروائی کے دوران 5 ہزار سے زائد جعلی کاربونیٹڈ ڈرنکس کی بوتلوں کو تلف کیا گیا جبکہ گیس سلنڈر، فلنگ مشین، کمپریسر اور موٹر بھی ضبط کرلی گئی ہے۔

ڈائریکٹر جنرل فوڈ اتھارٹی کے مطابق وزیراعلیٰ پنجاب عثمان بزدار کی ہدایت پر ملاوٹ مافیا کے خلاف گرینڈ آپریشن جاری ہے اور جعلی کولڈ ڈرنکس کا کاروبار جڑ سے اکھاڑنے کے لیے پُرعزم ہیں۔

ڈی جی فوڈز محمد عثمان نے بتایا کہ ایک ماہ میں 3 لاکھ کے قریب جعلی کولڈ ڈرنکس پکڑی گئی ہیں۔

Comments

یہ بھی پڑھیں