اسلام آباد: پاکستان فیڈرل یونین آف جرنلسٹس (پی ایف یو جے) نے سویڈن میں قرآن پاک کی بے حرمتی کی سخت مذمت کی ہے۔
تفصیلات کے مطابق پی ایف یو جے نے سویڈن میں قرآن پاک کی بے حرمتی کی مذمت کرتے ہوئے کہا ہے کہ اظہار رائے کے لیے جان بوجھ کر مشتعل کرنے والے عمل کو جائز قرار نہیں دیا جا سکتا۔
پی ایف یو جے نے مطالبہ کیا ہے کہ عالمی قانون کے تحت ریاستوں کا فرض ہے کہ وہ مذہبی منافرت کی کسی بھی کوشش کو روکیں، اور عالمی برادری اسلاموفوبیا، اور مسلم مخالف نفرت روکنے کے لیے قابل اعتماد اور ٹھوس اقدامات کرے۔
