اسلام آباد : صدر پی ایف یو جے افضل بٹ نے حکومت کو خبردار کیا ہے کہ اے آر وائی کا لائسنس بحال نہ کیا گیا تو ملک گیر احتجاج کیا جائے گا۔
تفصیلات کے مطابق صدر پی ایف یو جے افضل بٹ نے اے آر وائی کے لائسنس معطلی پر اے آر وائی نیوز کے پروگرام باخبر سویرا میں گفتگو کرتے ہوئے کہا کہ اے آر وائی پر وقتی طور پر مشکل وقت ہے جو ٹل جائے گا ، یہ معمول بن گیا ہے کہ قصور کسی کا بھی ہو اے آر وائی بند کردو۔
صدر پی ایف یو جے کا کہنا تھا کہ پیمرا نے پاکستان کے قانون کی دھجیاں اڑا کر رکھ دی ہیں، چیئرمین پیمرا کو اس معاملے سے متعلق وضاحت دینی پڑے گی۔
افضل بٹ نے کہا کہ اے آر وائی کے معاملے پر پیمرا نے خود منصب بن کر اسکا لائسنس معطل کردیا، ہر کسی کوصفائی کو موقع دیا جاتا ہے۔
انھوں نے خبردار کیا ہے کہ اے آر وائی کا لائسنس بحال نہ کیا گیا تو ملک گیر احتجاج کیا جائے گا.
صدر پی ایف یو جے کا کہنا تھا کہ آزادی صحافت کے حوالے سے پاکستان پہلے ہی آخری نمبروں پر ہے،حکومت اپنی غلطی کی اصلاح کرلے ورنہ پورے ملک میں احتجاج ہوگا۔
