The news is by your side.

Advertisement

پی ٹی آئی نے نواز شریف کو پھٹیچر وزیر اعظم قرار دے دیا

اسلام آباد : پی ٹی آئی اپنے چیئرمین عمران خان کے پھٹیچر کے بیان پر ڈٹ گئی، نعیم الحق نے بتا دیا کہ کون کون پھٹیچرہے۔ اور کون لوگ ریلو کٹے ہیں۔

تفصیلات کے مطابق عمران خان کی جانب سے غیرملکی کھلاڑیوں کے لیے پھٹیچرکے لفظ کے استعمال نے سیاست میں بھی یہ اصطلاح متعارف ہوگئی، تحریک انصاف کے ترجمان نعیم الحق نے بتا دیا کہ سیاست میں کون کون شخص پھٹیچرہے اورکون کون سے منصوبے پھٹیچر ہیں۔

اپنے بیان میں ترجمان پی ٹی آئی نعیم الحق نے نواز شریف کو پھٹیچر وزیراعظم اوروزیروں کو ریلو کٹے قرار دے دیا، عابد شیرعلی کے بیان پر نعیم الحق کا کہنا تھا کہ سیاست میں بھی عابد شیر علی کی حیثیت “ریلوکٹے” سے زیادہ نہیں۔

نعیم الحق نے کہا کہ بند کمرے کی گفتگو پر “پھٹیچر درباری چائے کی پیالی میں طوفان برپا کررہےہیں، عمران خان پاکستان نہیں دنیائے کرکٹ کا بڑا نام ہیں جس شخص نے وزارت بجلی و پانی کو پھٹیچر کیا اسے کرکٹ کی کیا سمجھ بوجھ،؟

پی ٹی آئی ترجمان نے کہانندی پور اور قائداعظم سولر پارک سمیت لاتعداد پھٹیچر منصوبے اس پھٹیچر حکومت کے لئے باعث شرمندگی ہیں پانامہ فیصلے سے قوم کی پھٹیچر سیاستدانوں سے جان چھوٹ جائے گی سیاست کو ریلوکٹوں سے پاک کریں گے تو ملک آگے بڑھے گا۔

Print Friendly, PDF & Email

Comments

comments

یہ بھی پڑھیں