پشاور : پشاور ہائی کورٹ نے دواؤں کی قیمتوں میں اضافے پر حکم امتناع جاری کردیا اور کہا لوگ مر رہے ہیں آپ دواؤں کی قیمت بڑھا رہے ہیں، دوائیں شارٹ کرنیوالوں کے اسٹورز کو سیل کردیں گے۔
تفصیلات کے مطابق پشاور ہائی کورٹ دواؤں کی قیمتوں میں اضافے کے خلاف دائر درخواست پر سماعت ہوئی ، عدالت نے ادویہ کی قیمتوں میں اضافےپرحکم امتناع جاری کردیا۔
عدالت نے ریمارکس میں کہا لوگ مررہےہیں اورآپ دواؤں کی قیمتوں میں اضافہ کررہےہیں تو سرکاری وکیل نے کہا مارکیٹ میں دواؤں کی قیمت میں کمی سے دواؤں کی قلت ہوجائے گی۔
جس پر جسٹس اکرام نے وارننگ دی جس نے دوائی شارٹ کی ، احتجاج کیا اسے لے آئیں، دوائیں شارٹ کرنیوالوں کے اسٹورز کو سیل کردیں گے۔
عدالت نےاٹارنی جنرل وایڈووکیٹ جنرل کونوٹس جاری کرتے ہوئے سماعت ملتوی کردی۔
مزید پڑھیں : ملک بھر میں دواؤں کی قیمتوں میں 9 سے 15 فیصد اضافہ
یاد رہے11 جنوری کو اد رہے ڈرگز ریگولیٹری اتھارٹی نے دواؤں کی قیمت میں پندرہ فیصد تک اضافہ کیا،ان دواؤں میں شوگر کی دوا،پین کلرز، فرسٹ ایڈ بینڈیج، نیبولائرز، اینٹی بایئوٹکس، پیٹ اور کھانسی کی دوائیں شامل ہیں۔
جس کے بعد ڈرگز ریگولیٹری اتھارٹی نے دواؤں کی قیمتوں میں اضافے کی وضاحت کرتے ہوئے کہا تھا دوائیں سرمایہ کاری،مریضوں،ملک کے وسیع تر مفاد میں مہنگی کیں، انڈسٹری کی بقا کے لئے دوائیں مہنگی کرناضروری تھا۔
