ممبئی: بھارت کے خود ساختہ فلمی ناقد کمال آر خان نے اداکارہ کترینہ کیف کی آج ریلیز ہونے والی فلم ’فون بھوت‘ کو ناکام قرار دے دیا۔
کمال آر خان نے ٹوئٹر پر بتایا کہ ’فون بھوت‘ کا پہلا شو صبح 10 بجے تھا اور پورے ملک میں سامعین نہ ہونے کی وجہ سے 90 فیصد شوز منسوخ کرنے پڑے، باقی کے 10 فیصد شوز میں دیکھنے والوں کی تعداد 5 فیصد ہے۔
فلمی ناقد نے کہا کہ گلوکار و اداکار ایمی ورک کی نئی فلم ریلیز ہونے کے باعث پنجاب کے کچھ سنیما گھروں میں ’فون بھوت‘ کے 1 سے 2 شوز ہو رہے ہیں۔
First show of #PhoneBhoot was at 10am and 90% shows are canceled because of no audience all over India. Rest 10% shows are running with 5% occupancy. It is having only 1-2 shows per cinema in Punjab because of new release of @AmmyVirk! Means day1 business can be ₹25-50 lakhs.
— KRK (@kamaalrkhan) November 4, 2022
کترینہ کیف نے اپنے کیریئر میں پہلی بار کسی فلم میں ڈراؤنا کردار ادا کیا۔ اداکارہ نے ’فون بھوت‘ میں بھوت کا کردار نبھایا۔ ان کے ساتھ سدھانت چترویدی اور ایشان کھٹر بھی اس فلم حصہ تھے۔ شادی کے بعد کترینہ کیف کی یہ پہلی فلم ہے۔
