کراچی: کینیڈا میں فضائی میزبانوں کے سلپ ہونے کو روکنے کے لیے پی آئی اے نے متعدد اقدامات کیے ہیں تاہم یہ واقعات پھر بھی رونما ہو رہے ہیں۔
تفصیلات کے مطابق ترجمان پی آئی اے کا کہنا ہے کہ ٹورنٹو جانے والی پروازوں پر تمام فضائی عملے سے ڈکلیئریشن لیا جاتا ہے، اور ٹورنٹو پہنچنے پر فضائی میزبانوں کے پاسپورٹ اسٹیشن منیجر کے پاس جمع کرانا لازمی قرار دیا گیا ہے۔
پی آئی اے کے فضائی میزبانوں کے کینیڈا میں سلپ ہونے کے معاملے پر قومی ایئرلائن پی آئی اے کی انتظامیہ ایکشن لے چکی ہے۔
ترجمان پی آئی اے کے مطابق ایئر لائن نے 2 سالوں کے دوران کینیڈا میں سلپ ہونے والے 7 ملازمین کو ملازمتوں سے برخاست کیا، ان میں 3 خواتین فضائی میزبان بھی شامل ہیں۔
پی آئی اے کا ایک اور فضائی میزبان کینیڈا میں پُر سرار طور پر لاپتہ
ترجمان نے کہا کہ سلپ ہونے والے تمام ملازمین کی تحقیقات مکمل ہونے کے بعد ان کے خلاف کارروائی عمل میں لائی جائے گی۔
ترجمان کے مطابق فلائٹ اسٹیورڈ اعجاز علی شاہ کے خلاف بھی تحقیقات کی جا رہی ہے، انکوائری مکمل ہوتے ہی ان کو بھی ملازمت سے فارغ کر دیا جائے گا۔
ترجمان کے مطابق فلائٹ اسٹیورڈ اعجاز علی شاہ پیپلز یونٹی سی بی اے یونین کا رہنما بھی ہے۔
