پالپا اور پی آئی اے میں معاملات طے پاگئے -
The news is by your side.

Advertisement

پالپا اور پی آئی اے میں معاملات طے پاگئے

اسلام آباد: پاکستان ائیرلائن پائلٹس ایسوسی ایشن ”پالپا“اور پاکستان انٹرنیشنل ائیرلائن کے درمیان معاملات طے پا گئے ہیں۔

سینیٹ کی قائمہ کمیٹی برائے کیبنٹ سیکریٹیریٹ کے چیئرمین طلحہ محمود نے بتایا کہ فریقین نے 10 میں سے 9 نکات پراتفاق کرکے معاہدے پردستخط کردیے ہیں۔

ڈائریکٹر فلائٹ آپریشن کو ہٹانے سے متعلق معاملے کا ابھی فیصلہ نہیں ہوا ہے اورجب تک چیرمین پی آئی اے مسودے پر دستخط نہیں کریں گے اس کی قانونی حیثیت نہیں ہوگی۔

کمیٹی نے چیرمین پی آئی اے ناصرجعفر یا ان کے کسی نمائندے کے اجلاس میں عدم شرکت پراپنا احتجاج ریکارڈ کرایا۔

چیرمین کمیٹی کا کہنا تھا کہ حکومت اورچیرمین پی آئی اے مسائل کو حل کرنے میں سنجیدہ نہیں ہیں اورکمیٹی کی حیثیت کو مذاق بنایا ہوا ہے۔

انہوں نے یہ بھی کہا کہ ڈائریکٹر فلائٹ آپریشن کو ہٹانے کا فیصلہ قا نونی رائے لینے کے بعد کیا جائے گیا، پی آئی اے کسی کی ذاتی میراث نہیں بلکہ قومی ادارہ ہے۔

اس موقع پرپالپا کے صدرعامر ہاشمی کا کہنا ہے کہ تمام معاملات خوش اسلوبی سے طے پا گئے ہیں، پالپا کی ہڑتال کے باعث مسافروں کو درپیش مشکلات پرمعذرت خواہ ہیں۔

Comments

comments

یہ بھی پڑھیں