اسلام آباد : قومی ایئر لائن پی آئی اے نے یوم دفاع پر اندرون ملک پروازوں کے کرایوں میں کمی کااعلان کردیا ، یہ سہولت یکم ستمبر سے7ستمبر تک ہوگی۔
تفصیلات کے مطابق اندرون ملک سفر کرنے نے والے مسافروں کے لئے اچھی خبر آگئی ، یوم دفاع کے موقع پر پی آئی اے کااندرون ملک پروازوں کے کرایوں میں کمی کااعلان کردیا۔
پی آئی اے انتظامیہ کا کہنا ہے کہ اندرون ملک سفر کرنے کے لئے یکطرفہ کرایہ 5985مقررکردیاگیا ہے ، یہ سہولت یکم ستمبر سے7ستمبر تک ہوگی۔
یاد رہے پاکستان انٹرنیشنل ایئر لائن (پی آئی اے) نے جشن آزادی کے موقع پر خصوصی ڈسکاؤنٹ کا اعلان کیا تھا، جشن آزادی کے موقع پر اندرون ملک پروازوں پر 14 فیصد ڈسکاؤنٹ کی پیشکش کی گئی تھی۔
ترجمان پی آئی اے کا کہنا تھا کہ مذکورہ پیشکش 14 تا 16 اگست تک سفر کرنے پر محدود رہے گی، ٹکٹس فوری فروخت کے لیے دستیاب ہیں۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں