کراچی : پی آئی اے کے بورڈ آف ڈائریکٹرز کا اجلاس کل لاہور میں طلب کرلیا گیا، نئے بورڈ ممبران کی شمولیت، ڈپوٹیشن پر آئے ہوئے افسران کو واپس بھیجنے کی منظوری اور دیگراہم فیصلے کئے جائیں گے۔
تفصیلات کے مطابق پی آئی اے کے بورڈ آف ڈائریکٹرز کا اجلاس کل لاہور میں طلب کرلیا گیا ہے، اجلاس میں تین نئے بورڈ ممبران کی شمولیت کی منظوری دی جائے گی۔
ذرائع کا کہنا ہے کہ اس موقع پر پی آئی اے کے مالی بحران ، کارکردگی اور بزنس پلان سے متعلق بھی اہم فیصلے کئے جائیں گے۔
کل ہونے والے بورڈ آف ڈائریکٹرز کے اجلاس میں پی آئی اے میں ڈیپوٹیشن پر آئے ہوئے چھ سے زائد افسران کو واپس ان کے محکموں میں بھیجنے کی منظوری بھی دی جائے گی۔
یاد رہے کہ پی آئی اے میں ڈپوٹیشن پر آئے ہوئے پاک فضائیہ اور پی آئی ڈی کے افسران بھی شامل ہیں، اس کے علاوہ پی آئی اے کے بورڈ آف ڈائریکٹر کے اجلاس میں پریمیئر سروس کے ہونے والے نقصانا ت اوراس کو بند کرنے کے حوالے سے بھی اہم فیصلے کئے جائیں گے۔
