اتوار, جولائی 6, 2025
اشتہار

پی آئی اے کے ڈائریکٹرزنے انتظامیہ سے حساب مانگ لیا

اشتہار

حیرت انگیز

لاہور: پی آئی اے کے بورڈ آف ڈائریکٹرز نے قومی ایئر لائن انتظامیہ کی کارکردگی پر شدید برہمی کا اظہار کیا ہے، انہوں نے چار اعشاریہ چھ ارب کاحساب طلب کرتے ہوئے کہا ہے کہ ادارے کا خسارہ کم کیوں نہیں ہوا؟

تفصیلات کے مطابق پی آئی اے کے بورڈ آف ڈائریکٹرز کا اجلاس قائم مقام چیئرمین کی زیرصدارت منعقد ہوا جس میں ممبران نے قومی ایئر لائن کی کارکردگی پر شدید برہمی کا اظہار کیا۔

اجلاس میں ممبران برس پڑے کہ حکومت کی جانب سے ڈیڑھ سال پہلے چار اعشاریہ چھ ارب روپے دیئے جانے کے باوجود خسارہ کم کیوں نہیں ہوا؟ حساب دیا جائے رقم کہاں اور کیسے خرچ کی گئی ؟

بورڈ ممبران نے سوال کیا کہ اب تک بو ئنگ ٹرپل سیون طیاروں کی اپ گریڈیشن کیوں نہیں ہوئی۔ بورڈ ممبران نے ہدایت کی کہ غفلت اورلاپروائی برتنے والوں کے خلاف کارروائی کی جائے۔

بورڈ کے ممبران نے فیصلہ کیا کہ مختلف محکموں سے آئے 6 افسران 22 فروری تک معاملات نمٹا کر واپس اپنے محکموں میں جائیں اور ذمہ داران کے خلاف کارروائی کی جائے۔

اہم ترین

محمد صلاح الدین
محمد صلاح الدین
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں

مزید خبریں