The news is by your side.

Advertisement

پی آئی اے کے بوئنگ 777طیارے نے پروازوں کا آغازکردیا

کراچی : پی آئی اے کے فضائی بیڑے میں شامل ہونے والے بارہویں بوئنگ 777طیارے نے پروازیں شروع کر دیں، بوئنگ 777 طیارہ کل سے بین الاقوامی پروازیں بھی شروع کر دے گا۔

تفصیلات کے مطابق ترجمان پی آئی اے نے کہا ہے کہ بارہویں بوئنگ 777 طیارے نے پی آئی اے کے فضائی بیڑے میں شامل ہونے کے بعد پروازوں کا باقاعدہ آغاز کردیا ہے۔

ترجمان کا کہنا ہے کہ پہلی پرواز پی کے 308 کراچی سے اسلام آباد کے لئے شام چار بجے روانہ ہوئی، تین سو مسافروں کو پی آئی اے کے چیف آپریٹنگ آفیسر ضیاء قادر قریشی نے رخصت کیا۔

بوئنگ  777 طیارہ ڈرائی لیز پر حاصل کیا گیا ہے اور اس پر پی آئی اے کا رنگ و روغن کیا گیا ہے۔ پی آئی اے کے چیئرمین عرفان الٰہی نے نئے طیارے کی فضائی آپریشن میں شمولیت اور پروازوں کے آغاز پر مسرت کا اظہار کیا ہے۔

اس حوالے سے اپنے خیالات کا اظہار کرتے ہوئے چیف ایگزیکٹو آفیسر نیئر حیات نے کہا کہ اس بارہویں  777 طیارے کی شمولیت سے پی آئی اے کی پروازوں کے دائرہ کار کو وسعت دینے میں مدد ملے گی۔

Print Friendly, PDF & Email

Comments

comments

یہ بھی پڑھیں