The news is by your side.

Advertisement

سی ای او پی آئی اے ارشد ملک نے 19 لاکھ روپے کا سیلری پیکیج لینے سے انکار کردیا

اسلام آباد : سی ای او پی آئی اے  ارشد ملک نے 19 لاکھ کا سیلری پیکیج لینے سے انکار کردیا اور کہا پی آئی اے ملازمین کی تنخواہیں کم ہوئیں تو میں کیسے اضافی سیلری لے سکتا ہوں۔

تفصیلات کے مطابق سی ای او ارشد ملک نے پی آئی اے کی جانب سے زیادہ سیلری پیکج لینے سے انکار کردیا، ذرائع کا کہنا ہے کہ پی آئی اے بورڈ آف ڈائریکٹرز نے 19 لاکھ کا سیلری پیکیج آفر کیا تھا۔

ذرائع کے مطابق ارشد ملک نے ڈیپوٹیشن والے سیلری پیکج پر کام کرنے کو ترجیح دی، ارشد ملک نے کورونا کی وجہ سے سیلری پہلے ہی 25 فیصد کم کردی تھی۔

بورڈ کامؤقف تھا کنٹریکٹ افسران اور پائلٹ 2 ملین ماہانہ سیلری لیتے رہےہیں جبکہ ارشدملک نے کہا پی آئی اے ملازمین کی تنخواہیں کم ہوئیں تو میں کیسے اضافی سیلری لےسکتاہوں۔

ارشد ملک گزشتہ ماہ پاک فضائیہ سے پری ریٹائرمنٹ چھٹی پر چل ےگئےتھے اور وفاقی کابینہ نے انھی کنٹریکٹ پر پی آئی اے کا سی ای او مقرر کیا تھا، اس سے پہلے ارشد ملک ایئر لائنزمیں ڈیپوٹیشن پر کام کر رہے تھے۔

Comments

یہ بھی پڑھیں