کراچی : پی آئی اے انجینئرنگ نے ائیربس اے 320طیارے کی مکمل مرمت خود کر کے اہم سنگ میل عبور کرلیا، جس سے 10لاکھ ڈالر سے زائد کی بچت ہوئی۔
تفصیلات کے مطابق پی آئی اے انجینئرنگ اور مین ٹیننس ڈپارٹمنٹ نے بڑا کارنامہ انجام دیتے ہوئے ائیربس اے320طیارےکی مکمل مرمت خود کرلی۔
پی آئی اے ترجمان کا کہنا ہے کہ مینٹس میں طیارے کے نئے پینٹ اور کیبن کو مکمل تبدیل کیا گیا، ہر 12سال بعد مکمل چیکنگ کا مرحلہ پی آئی اے ڈپارٹمنٹ نے خود مکمل کیا۔
ترجمان کے مطابق ایئر بس 320 کو ری فربش کرنے سے 10لاکھ ڈالر سے زائد کی بچت ہوئی، پی آئی اے انجنئیرنگ ڈپارٹمنٹ پاکستان کے علاوہ ریجن میں بھی فراہم کررہا ہے۔
پی آئی اے ترجمان کا کہنا ہے کہ پی آئی اے ابھی دیگر متعدد غیر ملکی ایئر لائینز کو بھی انجینئرنگ خدمات فراہم کررہی ہے، جن میں قطر ایئرویز، اومان ایئر ، گلف ایئر اور سعودی ایئر لائن شامل ہیں۔
