کراچی : قومی ایئرلائن کے افسران کےبیرو ن ملک دوروں کے علاوہ اندرون ملک دفتری کام کے امور کے سلسلے میں مختلف شہر جانے پر بھی لاکھوں ڈالر وصولی کاانکشاف ہوا ہے۔
تفصیلات کےمطابق اربوں روپےخسارے سےدوچار قومی ایئرلائن کےافسران کی شاہ خرچیاں اپنےعروج پر ہیں۔پی آئی اے کے چیف انفارمیشن آفیسر چوہدری محمد اظہر نے او سی ایس کی مد میں 13لاکھ ڈالر سالانہ وصول کیے۔
قومی ایئرلائن کے آفیسر چوہدری محمد مظہر نےبیرون ملک اور اندرون ملک دوروں کی مد میں پی آئی اے نے13کروڑ روپے ادا کیے ہیں۔
خیال رہےکہ پی آئی اے کے بورڈ ممبران اور سینیٹ کی اسٹینڈنگ کمیٹی نے بھی چیف انفارمیشن آفیسر کی تعیناتی پر اپنی برہمی کا اظہار کیا تھا۔
پی آئی اے کے چیف انفارمیشن آفیسر چوہدری محمد اظہر 12لاکھ روپے تنخواہ کے علاوہ پی آئی اے سے دیگر مراعات بھی وصول کررہے ہیں۔
واضح رہےکہ پی آئی اے کا خزانہ خالی ہونے کی وجہ سے ملازمین اور کپتانوں کو پوری تنخواہ کے نصف حصہ ادا کیا جارہا ہے،جبکہ قومی ایئرلائن نےاربوں روپے کے واجبات ادا کرنے ہیں جن میں فیول کمپنیاں اور سول ایوی ایشن اتھارٹی بھی شامل ہے۔
