کراچی : جدہ سے اسلام آباد آنے والی پی آئی اے کی پرواز فنی خرابی کے باعث 7 گھنٹے سے زائد تاخیر کا شکار ہے ، ترجمان نے بتایا کہ جدہ سے پرواز سعودی مقامی وقت کے مطابق شام 4بجے روانہ ہو گی۔

تفصیلات کے مطابق جدہ سے اسلام آباد آنے والی پی آئی اے کی پرواز میں فنی خرابی ہوگئی ، جس کے باعث پرواز 7 گھنٹے سے زائد تاخیر کا شکار ہے۔

جدہ سے پرواز پی کے 740 کو صبح 5 بجے روانہ ہونا تھا مگر تاحال روانہ نہ ہوسکی، پرواز کی روانگی میں تاخیر سے شیخ رشید سمیت مسافر پریشانی کا شکار ہیں۔

اس حوالے سے ترجمان پی آئی اے نے کہا کہ جدہ سے اسلام آباد کی پرواز میں تاخیر آپریشنل وجوہات ہیں، پرواز اسلام آباد سے جدہ تاخیر سے پہنچی تھی۔

ترجمان کا کہنا تھا کہ جدہ سے پرواز سعودی مقامی وقت کے مطابق شام 4 بجے روانہ ہو گی۔