کراچی: قومی ایئرلائن (پی آئی اے) کی کراچی اسکردو کی پرواز نے ملتان میں ٹیکنیکل لینڈنگ کی ہے۔
تفصیلات کے مطابق پاکستان انٹرنیشنل ایئرلائن کی پرواز ’پی کے 455‘ صبح 6:10 پر کراچی سے اسکردو کے لیے روانہ ہوئی تھی، تاہم درمیانی راستے میں ایئربس طیارے میں فنی خرابی کی نشان دہی ہوئی۔
ایوی ایشن حکام کا کہنا ہے کہ اے ٹی سی کی ہدایت پر طیارے کو ملتان ایئرپورٹ پر اتارا گیا، جب طیارے کا معائنہ کیا گیا تو معلوم ہوا کہ انجن سے پرندہ ٹکرا گیا تھا۔
- Advertisement -
ماہرین نے معائنے کے بعد طیارہ پرواز کے لیے فٹ قرار دے دیا، اور مسافر اسی طیارے میں اسکردو روانہ ہو گئے۔ خیال رہے کہ پاکستان میں طیاروں سے پرندے ٹکرانے کے واقعات آئے روز پیش آتے رہتے ہیں، سی اے اے نے اس سلسلے میں متعدد اقدامات کیے ہیں۔
