کراچی : جدہ اور مدینہ منورہ کے ایئر پورٹس سے حج آپریشن کی پروازیں ختم ہونے والی ہیں، آج رات جدہ اور مدینہ منورہ کے ایئر پورٹس میں اپنے اختتام کو پہنچ رہا ہے جس سے حجاج کرام کی اپنے گھروں کو واپسی کا عمل مکمل ہو گا۔
ذرائع کے مطابق مطابق جدہ کے کنگ عبدالعزیز انٹرنیشنل ائیر پورٹ سے بیمان بنگلہ دیش کی پرواز بی جی 1556ڈ ڈھاکہ کے لئے رات گیارہ بج کر دس منٹ پر419 حاجیوں کو لے کر روانہ ہو گی۔
دیگر پاکستانی حاجیوں کی واپسی کے سلسلے میں تفصیلات اس طرح ہیں، پاکستان کی تین بڑی ایئرلائنز پی آئی اے، شاہین ایئر اورایئر بلو نے حجاج کی وطن واپسی کا پہلا مرحلہ بیس ستمبر کو جدہ ایئر پورٹ سے کامیابی سے مکمل کر لیا تھا۔
جبکہ21ستمبر سے دوسرے مرحلے کا آغاز مدینہ کے پرنس محمد بن عبدالعزیز ایئرپورٹ سے کیا۔ آج رات کو دوسرا مرحلہ بھی کامیابی سے اپنے اختتام کو پہنچ رہا ہے۔
جبکہ شاہین ایئر اپنی آخری پرواز این ایل2438کوئٹہ کے لئے134حاجیوں کو لے کر سعودی عرب کے مقامی وقت کےمطابق شام سات بجکر39 منٹ پر روانہ ہوئی۔
پی آئی اے کی آخری پرواز بھی مدینہ منورہ سے اسلام آباد کے لئے 385حاجیوں کو لے کر مقامی وقت کےمطابق رات8بج کر13منٹ پر روانہ ہو چکی ہے۔
پاکستانی حاجیوں کی آخری حج پرواز ایئر بلو کی پی اے2789مدینہ سے اسلام آباد کے لئے 217 حاجیوں کو لے کر رات کو ایک بج کر50 منٹ پر مدینہ منورہ سے روانہ ہو گی، اس طرح پاکستانی حاجیوں کی واپسی کا سلسلہ اپنے اختتام کو پہنچے گا۔
