کراچی: اربوں روپے خسارے سے دوچار قومی ایئرلائن نے لیگل ایڈوائزرمسٹراحمد رؤف کو 15لاکھ روپے ماہانہ تنخواہ ودیگر مراعات پر بھرتی کرلیا۔
تفصیلات کے مطابق لیگل ایڈوائزر کو دو سال کے کنٹریکٹ پر بھرتی کیا گیا ہے، بھرتی کے ایگریمنٹ کی کاپی اے آروائی نیوز کو موصول ہوگئی ہے۔
ایگریمنٹ کے مطابق لیگل ایڈوائزر کو بھاری معاوضے سمیت تمام سہولیات فراہم کی جائیں گی، یاد رہے کہ پی آئی اے میں لیگل ڈیپارٹمنٹ بدستور موجود ہے لیکن اس کے باوجود قانونی معاون مشیر کو بھرتی کیا گیا ہے۔
قانونی مشیر کو پی آئی اے میں بھرتی کرنے پر پی آئی اے کو ہر ماہ 15لاکھ تنخواہ اور دیگر مراعات کی مد میں بھاری رقم ادا کرنی پڑے گی۔
معاہدے پردستخط جبری رخصت پر بھیجے گئے قائم مقام سی ای او ہلڈن برنڈ کی دستخط موجود ہیں، جن پر پہلے ہی مبینہ ایئر بس طیارہ 310کی فروخت کے حوالے سے تحقیقات کی جارہی ہیں۔
ایگریمنٹ کی کاپی
