The news is by your side.

Advertisement

کرونا وائرس: پی آئی اے کی اندرون ملک پروازوں میں کھانا فراہم کرنے کی سروس بند

کراچی: پاکستان انٹرنیشنل ایئر لائن (پی آئی اے) نے کرونا وائرس کے حوالے سے احتیاطی تدابیر پر عمل کرتے ہوئے اندرون ملک اپنی پروازوں میں کھانا فراہم کرنے کی سروس بند کردی ہے۔

تفصیلات کے مطابق قومی ایئر لائن (پی آئی اے) کے چیف ایگزیکٹو آفیسر ایئر مارشل ارشد ملک کی ہدایت پر احتیاطی تدابیر پر عمل کرتے ہوئے اندرون ملک پروازوں میں کھانا فراہم کرنے کی سروس بند کردی گئی۔

پی آئی اے کے جی ایم فلائٹ سروسز نے احکامات جاری کر دیے گئے ہیں اور تمام فضائی عملے کو ہدایت جاری کردی گئی جس کے تحت پی آئی اے کی کسی بھی ڈومیسٹک فلائٹ پر مسافروں کو دوران پرواز کھانا فراہم نہیں کیا جائے گا۔

حفاظتی اقدامات کے تحت اخباروں کے استعمال پر بھی پابندی عائد کردی گئی ہے، دوران پرواز مسافروں کو صرف پانی فراہم کیا جائے گا۔

ترجمان کے مطابق پی آئی اے مسافروں اور عملے کی صحت اور حفاظت کے لیے عالمی اصولوں پر کاربند ہے۔ پی آئی اے کی اندرون ملک پروازوں کی روانگی سے قبل جراثیم کش کیمیکل کی مدد سے جہازوں کی صفائی اور انہیں ڈس انفیکٹ بھی کیا جارہا ہے۔

علاوہ ازیں مسافروں کو مکمل سینی ٹائز کر کے جہازوں میں سوار کیا جا رہا ہے۔

دوسری جانب پی آئی اے کے بعد نجی ایئر لائن ایئر بلو اور سیرین ایئر نے بھی اپنی اندرون ملک تمام پروازوں میں مسافروں کو کھانے کی فراہمی مکمل طور پر بند کردی ہے۔

نجی ایئر لائن بھی مسافروں کو اخبار فراہم نہیں کریں گی۔

fb-share-icon0
Tweet 20

Comments

comments

یہ بھی پڑھیں