The news is by your side.

Advertisement

مہنگی لیز پر حاصل اے ٹی آر72 طیارے قومی ایئر لائن کے بیڑے سےخارج

کراچی: قومی ایئرلائنز نے نئے طیارے اپنے بیڑے میں شامل کرنے کی غرض سے مہنگی لیز پر حاصل اےٹی آر72طیارے بیڑے سےخارج کردئیے ہیں۔

تفصیلات کے مطابق بیڑے سےخارج کئے گئے طیارے آپریشن اور لاگت کے لحاظ سے غیر موافق اور غیر منافع بخش تھے، طیارے دوہزار پندرہ میں لیز پر حاصل کیے گئے تھے جو موجودہ حساب سے بہت مہنگے پڑ رہے تھے۔

 

اے آر وائی نیوز کو حاصل تفصیلات کے مطابق طویل لیز معاہدہ ان طیاروں کی واپسی کی راہ میں رکاوٹ تھا، مگر کووڈ وبا کے دوران سی ای او قومی ایئر لائنز کی ہدایات پر پی آئی اے نے معاہدے کی خاص شق سے فائدہ اٹھا یا، جس کے بعد پہلا طیارہ اے پی بی کے وائی صبح کراچی سے جنوبی افریقہ کے شہر جوہانسبرگ روانہ ہوگیا ہے۔

سی ای او پی آئی اے ارشد ملک کی جانب سے جاری بیان کے مطابق موجودہ حالات میں یہ فیصلہ مشکل مگر ناگزیر تھا، ٹیم نے کامیاب مذاکرات کرکے اس اقدام کو ممکن بنایا وہ قابل تحسین ہیں۔

یہ بھی پڑھیں:  یورپی یونین کی جانب سے پی آئی اے سمیت نجی ایئرلائنز پر پابندی کا خطرہ

ارشد ملک کا کہنا تھا کہ پی آئی اے اپنے بیڑے کو جدید بنانے کے راستے پر گامزن ہے، جلد نئے طیارے بیڑے میں شامل ہوکر اپنی پراڈکٹ کو بہتر بنائیں گے، جدید طیارے ہمارے مہمانوں کی خواہش تھی جو جلد پوری ہوگی، اس سے قبل پی آئی اے منافع بخش ای ٹی آر 42چھوٹے ہوائی اڈوں سے آپریٹ کرتی رہی ہے۔

Comments

یہ بھی پڑھیں