The news is by your side.

Advertisement

پی آئی اے عمرہ زائرین کا سامان مدینے میں چھوڑ آئی

اسلام آباد: باکمال لوگ لاجواب سروس، عمرہ ادا کرکے عید کے موقع پر گھر لوٹنے والے عمرہ زائرین کا سامان پی آئی اے مدینہ میں ہی چھوڑآئی ۔

تفصیلات کے مطابق مدینے سے اسلام آباد آنے والی پی آئی اے کی پرواز پی کے 714 کے مسافروں نے سامان مدینے میں رہ جانے پر ایئرپورٹ پر شدید احتجاج کیا۔

ذرائع کا کہنا ہے کہ پہلے تو عمرہ زائرین کئی گھنٹے ایئر پورٹ پر اپنے سامان کا انتظار کرتے رہے ، تاہم انتظامیہ کی جانب سے صورتحال واضح نہیں کی گئی، جب متاثرین کا دباؤ بڑھا تو انتظامیہ نے بتایا کہ سامان مدینے میں رہ گیا ہے۔

بتایا جارہا ہے کہ 50 سے زائد مسافروں کا سامان مدینے میں رہ گیا ہے جس پر مسافروں نے شدید احتجاج کیا ۔ اس موقع پر پی آئی اے کا سامان سے متعلقہ عملہ غائب ہوگیا تھا۔

مسافروں نے ایئر پورٹ پر ہی احتجاج ریکارڈ کرایا اور پی آئی اے کے اعلیٰ حکام سے مطالبہ کیا ہے کہ ہے ان کی جانب سے اس واقعے کا اور اس کے بعد عملے کے مسافروں کے ساتھ روا رکھے گئے رویے کا نوٹس لیں۔

یاد رہے کہ ماضی میں بھی اس نوعیت کے واقعات پیش آتے رہے ہیں بالخصوص حج اور رمضان میں عمرے کے سیزن میں پی آئی اے انتظامیہ متعدد بار مسافروں کا سامان سعودی عرب میں چھوڑآتی ہے۔

مسافروں کا کہنا ہے کہ رمضان میں عمرہ ادا کرنے والے متعمرین اکثر اپنے اہل خانہ کے لیے حجازِمقدس سے ہی عید کے تحائف لے کر آتے ہیں اور ایسے میں سامان کا مدینے میں رہ جانا، ان کی آمد اور عید کی خوشیوں کا مزہ کرکرہ کردے گا۔

Comments

comments

یہ بھی پڑھیں