اسلام آباد: پی آئی اے کی انٹرنل آڈیٹر ٹیم نے لندن آفس میں ہونے والے آڈٹ میں کروڑوں روپے کی خورد برد کا انکشاف کردیا۔
تفصیلات کے مطابق پی آئی اے لندن آفس میں کروڑوں روپے کی خورد برد کا انکشاف ہوا ہے۔ پی آئی اے کی انٹر نل آڈیٹر ٹیم نے لندن آفس میں ہونے والی آڈٹ میں خلاف ورزیوں کی نشاندہی کردی۔
پی آئی اے کے فنانس مینیجرلندن نے اظہر جاوید حسین نامی مارکیٹنگ اسسٹنٹ کو سیلز پروموشن آفیسر کے نام پر 30 ہزار پاؤنڈ غیر قانونی طریقے سے جاری کیے۔
مذکورہ افسر نے ایک سال کے دوران الاؤنسز کی مد میں 30 ہزار پاؤنڈ وصول کیے۔
پی آئی اے کی آڈیٹر ٹیم نے لندن فنانس مینیجر کو مذکورہ افسر کے خلاف کاروائی کی ہدایت جاری کردی۔
