The news is by your side.

Advertisement

ملکی تاریخ میں پہلی بار اسکردو اور گلگت ائیرپورٹ پر 8، 8 پروازیں آپریٹ

کراچی : پی آئی اے نے سیاحت کےفروغ کیلئے تاریخ میں پہلی باراسکردو اور گلگت ائیرپورٹ پر 8، 8 پروازیں آپریٹ کی ، ترجمان نے کہا کراچی اور لاہور سے شمالی علاقہ جات کی پروازوں کی مانگ حوصلہ افزا ہے۔

تفصیلات کے مطابق وزیراعظم کے وژن اور سیاحت کےفروغ کیلئے پی آئی اے نے شمالی علاقوں کا آپریشن وسیع کردیا ، ملکی تاریخ میں پہلی باراسکردو اور گلگت ائیرپورٹ پر 8، 8 پروازیں آپریٹ کی گئی۔

اسکردو پر پروازیں بیک وقت کراچی، لاہور اور اسلام آباد سے آپریٹ ہوئیں ، گلگت پر 3 پروازیں اسلام آباد سے اور ایک پرواز لاہور سے پہنچی۔

ترجمان پی آئی اے کا کہنا ہے کہ پی آئی اے نے تمام مسافروں سے حکومتی ہدایات پر مکمل عمل درآمد کرایا ، پروازیں بڑھانے کامقصد علاقے کی ترقی، اور سیاحت کافروغ ہے۔

ترجمان کا مزید کہنا تھا کہ کراچی اور لاہور سے شمالی علاقہ جات کی پروازوں کی مانگ حوصلہ افزا ہے ، چند ساعتوں میں شدید گرمی سے خوشگوار موسم تک رسائی جوش و خروش کا باعث ہے، پی آئی اے نے اپنے کرائے انتہائی مناسب رکھے ہیں۔

Comments

یہ بھی پڑھیں