کراچی : پی آئی اے کے انجینئرز نے اپنی شاندار کارکردگی کا مظاہرہ کرتے ہوئے پہلی بار طیاروں کی اوور ہالنگ خود کرلی جس کے باعث ادارے کو لاکھوں ڈالرز کی بچت ہوئی جو غیر ملکی انجینئرز کو ادا کیے جاتے تھے۔
تفصیلات کے مطابق پی آئی اے کے انجینئرز کی شاندار کارکردگی کے باعث قومی ایئرلائن کو چار لاکھ ڈالر کی بچت ہوئی ہے۔
اس ضمن میں ایئر بس 320 کے طیارے کے لینڈنگ گیئر کی پہلی مرتبہ اوور ہالنگ بھی کرائی گئی تھی اور اس کامیاب تجربے کے نتیجے میں ایئر بس 320 طیارے کے لینڈنگ گیئرکی اوور ہالنگ سے پی آئی اے کو 4 لاکھ ڈالر کی بچت ہوئی۔
قبل ازیں ماضی میں پی آئی اے بیرون ملک سے طیارے کے لینڈنگ گیئر کی اوور ہالنگ کرائی جاتی تھی جس کے لیے پی آئی اے کی جانب سے 6 لاکھ ڈالر ادا کرنے پڑتے تھے۔
سیپ کے صدر ذاکر فاروق نے کہا ہے کہ چیئرمین پی آئی اے کی کاوشوں کی وجہ سے ایئر بس کے لینڈنگ گیئر کی اوور ہالنگ کا تجربہ کامیاب ہوا ہے۔
