The news is by your side.

Advertisement

پی آئی اے کا لاہور ایئرپورٹ سے فضائی آپریشن معمول کے مطابق جاری

کراچی : پی آئی اے کا لاہور ایئرپورٹ سے فضائی آپریشن جاری ہے، اندرون ملک پروازوں کی روانگی کے بعد بیرون ملک پروازوں کا آغاز آج رات سے کیا جائے گا۔

تفصیلات کے مطابق پی آئی اے کا لاہور ایئرپورٹ سے فضائی آپریشن جاری ہے۔ حالیہ پاک بھارت کشیدگی کے بعد پاکستان کی فضائی حدود کو پروازوں کیلئے بند کردیا گیا تھا ۔

تاہم گزشتہ روز اسے کھولے جانے کے بعد پی آئی اے نے کراچی، اسلام آباد، پشاور اور کوئٹہ ایئر پورٹس سے فضائی آپریشن کا آغاز کردیا تھا جہاں معمول کے مطابق پروازیں آپریٹ کی جارہی ہیں۔

اس حوالے سے ترجمان پی آئی اے کا کہنا ہے کہ پرواز پی کے655لاہور سے اسلام آباد کیلئے روانہ ہوئی ہے جبکہ پرواز پی کے305لاہور سے کراچی کیلئے روانہ ہوئی۔

ترجمان پی آئی اے کے مطابق پی کے225لاہورسے رات 12:45پر مسقط کیلئے روانہ ہوگی، لاہور سے دبئی کیلئے پروازوں کا آغاز کل صبح10بجے سے کیا جائے گا۔

مزید پڑھیں: پاک بھارت کشیدگی ، تین روز سے بند پاکستان کی فضائی حدود جزوی طور پر بحال

پی کے203لاہور سے دبئی کیلئے پیر صبح10بجے روانہ ہوگی، اس کے علاوہ لاہور سے اندورن و بیرون ملک پروازیں شیڈول کے مطابق روانہ ہوں گی، ترجمان پی آئی اے نے بتایا کہ لاہور ایئرپورٹ پر مسافروں کو تمام تر سہولیات فراہم کی جارہی ہیں۔

Comments

comments

یہ بھی پڑھیں