کراچی: ٹورنٹو جانیوالی پرواز میں مسافرکو دل کا دورہ ڈرامہ نکلا، ڈاکٹرز نے کہا مسافر کے چیک اپ کے بعد دل کے دورے کے شواہد نہیں ملے۔
تفصیلات کے مطابق کراچی سے ٹورنٹو جانے والی پی آئی اے کی پرواز میں مسافر کو دل کا دورہ پڑنے کے معاملے کی حقیقت سامنے آگئی۔
ذرائع کا کہنا ہے کہ مسافر کو دل کا دورہ ڈرامہ تھا، گزشتہ روز مسافر کو دل کادورہ پڑنے پر پرواز کو واپس کراچی ایئرپورٹ لایاگیاتھا۔
ذرائع ایئرپورٹ نے بتایا کہ مسافر کو فوری ایمبولینس کے ذریعے اسپتال منتقل کیا گیا تھا تو ڈاکٹرز کی رپورٹ میں مسافر کے چیک اپ کے بعد دل کے دورے کے شواہد نہیں ملے۔
ڈاکٹرز کا کہنا تھا کہ کینیڈین شہری مسافرسید وصی کی تمام میڈیکل رپورٹس نارمل ہیں، جس کے بعد ترجمان پی آئی اے نے تصدیق کی کہ پی آئی اے نے مسافر کو بلیک لسٹ کردیا ہے۔
ذرائع کے مطابق مسافر کی ڈرامہ بازی کی وجہ سے قومی ائیر لائن کو سوا کروڑ روپے کا ٹیکہ لگ گیا ، ترجمان نے بتایا کہ لینڈنگ سے پہلے بوئنگ 777 کا ایک اضافی ایندھن کو سمندر کے اوپر چکر کاٹ کر فضا میں ضائع کیا گیا تھا، ایندھن پھینکے کی وجہ سے 1 کروڑ 25 لاکھ روپے نقصان کا سامنا کرنا پڑا۔
ترجمان کا کہنا تھا کہ طیارےکی لینڈنگ سے قبل بوئنگ 777 طیارے میں 100 ٹن ایندھن تھا۔
