کراچی : پائلٹ کی غفلت کے باعث پی آئی اے کا طیارہ بڑے حادثے سے بال بال بچ گیا اور تمام مسافروں محفوظ رہے۔
تفصیلات کے مطابق قومی ایئرلائن ( پی آئی اے) کے پائلٹ کی مبینہ غفلت و لاپرواہی نے مسافروں کی جانوں کو خطرے میں ڈال دیا۔
ذرائع نے بتایا قومی ایئرلائن کی پرواز پی کے 150 دمام سے ملتان جارہی تھی تاہم ملتان میں موسم کی خرابی دھند کے باعث پرواز کا رخ موڑا گیا۔
- Advertisement -
جس کے بعد لاہور کیلئے کپتان نے مرکزی رن وے پر لینڈنگ کے بجائے غلط رن وے پر اتار دیا۔
کپتان نے لاپرواہی کا مظاہرہ کرتے ہوئے مرکزی رن وے کے بجائے رن وے نمبر 36 ایل پر جہاز کو اتارا ، لینڈنگ کے وقت رن وے کی لائٹیں بھی آف تھی۔
ایئرلائن اتنظامیہ نے کپتان کی غفلت و لاپرواہی کا نوٹس لے لیا، ذرائع کے مطابق کپتان اور فرسٹ آفیسر کو گراونڈ کرکے تحقیقات شروع کردی ہے۔
