کراچی : ایف بی آر کی جانب سے بقایاجات کی مد میں پی آئی اے اکاؤنٹس سے ایک ارب30کروڑ روپے کی کٹوتی کی گئی ہے۔
جس کی وجہ سے پی آئی اے کے پےگروپ5سے10کے افسران سمیت پائلٹس کو مارچ کی تنخواہ تاحال نہ مل سکی۔
اس حوالے سے ذرائع کا کہنا ہے کہ ماہ رمضان کے باوجود تنخواہ کی عدم ادائیگی پر پائلٹس نے احتجاجاً پروازیں آپریٹ نہ کرنے پرغور کرنا شروع کردیا ہے۔
ذرائع کے مطابق توقع ہے کہ پائلٹس اور دیگر افسران کو تنخواہوں کی ادائیگی ممکنہ طور پر اگلے ہفتے کے آخر میں کی جائے گی۔
پی آئی اے کے پے گروپ ایک تا4کے ملازمین کو بھی رکی ہوئی تنخواہوں کی ادائیگی گزشتہ روز کی گئی تھی جبکہ پی آئی اے کے پے گروپ5سے10کے افسران سمیت پائلٹس کو مارچ کی تنخواہ تاحال نہیں مل سکی ہے۔
