کراچی: پاکستان کی نامور اداکارہ عائزہ خان نے حادثے کے شکار ہونے والے پی آئی اے کے طیارے میں موجودگی سے متعلق افواہوں کی تردید کر دی۔
تفصیلات کے مطابق پاکستانی ڈرامہ انڈسٹری کی معروف اداکارہ عائزہ خان نے سماجی رابطے کی ویب سائٹ ٹویٹر پر اپنے پیغام میں کہا کہ جعلی خبریں پھیلانا بند کریں،الحمد اللہ ہم اپنے گھروں میں خیریت سے ہیں۔عائزہ خان نے کہا کہ ان لوگوں کے لیے دعا کریں جو حادثے کا شکار ہوگئے،اللہ تعالیٰ ان کے گھر والوں کو صبر دے، آمین۔
Stop spreading fake news!
Alhumdulillah hum apne gharo me hai safe ha. Please dua krei un logo k liey jo hadsay ka shikar hoay. Allah tala unkay ghar walo ko sabar dei. Ameen— Ayezakhan.ak (@Ayezakhanak3) May 22, 2020
نامور پاکستانی اداکارہ نے اپنے پیغام میں کہا کہ اللہ ہدایت دے ان لوگوں کو جو کسی بھی بات کی تصدیق کیے بغیر بس ایک اسٹیٹس لکھ دیتے ہیں۔انہوں نے کہا کہ اللہ تعالی ہم سب کو اپنے حفظ وامان میں رکھے۔
Allah hidayat dei un logo ko jo kisi bhe baat ko confirm kiey bina bus ik status likhdetay hai….
Allah tala hum sbko apne hifzo amaan me rkhei— Ayezakhan.ak (@Ayezakhanak3) May 22, 2020
دوسری جانب پاکستان شوبز انڈسٹری کی معروف اداکارہ منشا پاشا نے ٹویٹر پر اپنے پیغام میں کہا کہ میری دانش سے بات ہوئی ہے، خدارا جھوٹی خبریں روکیں۔اداکارہ نے کہا کہ دونوں میاں بیوی گھر میں موجود ہیں، اللہ کا لاکھ لاکھ شکر ہے۔
I have spoken to Danish. Please stop the fake news. Both husband and wife are safe at home Allah ka lakh lakh shukar.
— manshapasha (@manshapasha) May 22, 2020
پی آئی اے کا طیارہ کراچی ایئرپورٹ کے قریب گر کر تباہ
واضح رہے کہ کراچی میں ایئرپورٹ کے قریب لاہور سے آنے والا پی آئی کا مسافر طیارہ گر کر تباہ ہوگیا جس کے نتیجے میں متعدد افراد جاں بحق ہوگئے۔