The news is by your side.

Advertisement

پی آئی اے ایکشن کمیٹی نے حکومت کو چھتیس گھنٹے کی ڈیڈ لائن دیدی

کراچی : پی آئی اے ایکشن کمیٹی نے لاپتہ ملازمین کی بازیابی کیلئے حکومت کو چھتیس گھنٹے کی ڈیڈ لائن دیدی۔ عدم بازیابی پر پیر کو ملک بھر کے ہوائی اڈوں کی جانب مارچ کیا جائیگا۔

تفصیلات کے مطابق حکومت اور پی آئی اے جوائنٹ ایکشن کمیٹی کے درمیان ہونے والے مذاکرات بغیر کسی نتیجے کے ختم ہوگئے۔

ایکشن کمیٹی اور حکومت اپنے اپنے مؤقف سے ٹس سے مس نہ ہوئیں۔ ،حکومت کامذاکرات سے پہلے ہڑتال ختم کرنے کا اصرار ہے جبکہ ہڑتالی ملازمین پہلے بات چیت اورپھر کام کرنے پر تیار ہیں۔

چیئرمین جوائنٹ ایکشن کمیٹی سہیل بلوچ نے کہاہے کہ پہلی بار حکومتی وفد سے مذاکرات کا آغاز ہوا ہے لہٰذا مشاورت سے مسئلہ حل کریں گے۔

جب کہ ہم نے اپنی تمام باتیں وزیر مملکت کے سامنے رکھ دی ہیں اور یہ بھی کہا ہے کہ ہمارے 4 لاپتہ افراد کوفوری بازیاب کرایا جائے۔ ایکشن کمیٹی نے لاپتہ ملازمین کی بازیابی کیلئے حکومت کو چھتیس گھنٹے کی ڈیڈ لائن دیدی۔

Print Friendly, PDF & Email

Comments

comments

یہ بھی پڑھیں