کراچی : پی آئی اے ہولڈنگ کمپنی کا کہنا ہے کہ موجودہ پی آئی اے کے شیئرز رواں ہفتے پاکستان اسٹاک ایکسچینج سے ڈی لسٹ ہوجائیں گے۔
تفصیلات کے مطابق پی آئی اے ہولڈنگ کمپنی کے شیئرز کی تجارت کیلئے اسٹاک ایکسچینج کو خط موصول ہوگیا، موجودہ پی آئی اے کے شیئرز 25 مئی سے اسٹاک ایکسچینج سے ڈی لسٹ ہوجائیں گے۔
اسٹاک ایکسچینج کو خط چیف ایگزیکٹو پی آئی اے ایئروائیس مارشل عامر حیات کی جانب سے لکھا گیا، جس میں نئی پی آئی اے ہولڈنگ کمپنی کے کلاس اے اور بی کے شیئرز کی قیمت کا تعین کردیا گیا۔
خط میں کہنا ہے کہ 24 مئی کو ٹریڈنگ کے آخری دن پی آئی اے کے شیئرز کی قیمت پی آئی اے ہولڈنگ کمپنی کے شیئر کی قیمت ہوگی۔
اسٹاک ایکسچینج کو خط میں کہنا تھا کہ آخری دن پی آئی اے کے شیئر کی قیمت کا فارمولہ کلاس اے اور بی دونوں پر لاگو ہوگا۔
نیشنل کلیئرنگ کمپنی نے بھی موجودہ پی آئی اے کے شیئرز کی آخری ٹریڈنگ اور سیٹلمنٹ کا شیڈول جاری کردیا۔
