کراچی: انٹرنیٹ پر وائرل ہونے والی پی آئی اے کی عمر رسیدہ ائیرہوسٹس کی تصاویر پر تنقید کے بعد قومی ایئرلائن کی انتظامیہ بھی میدان میں آگئی اور تنقید کرنے والوں کو جواب میں مسکراتا پیغام دے دیا۔
تفصیلات کے مطابق انٹرنیٹ پر گزشتہ دنوں صابرہ نامی ائیرہوسٹس کی تصویر سوشل میڈیا ایکٹوسٹ نے جاری کی جس کے بعد انہیں شدید تنقید کا نشانہ بنایا گیا کیونکہ انہوں نے اس تصویر کے ساتھ تضحیک آمیز الفاظ تحریر کیے تھے۔
World’s most senior air hostess welcomes the passengers onboard with this face.@Official_PIA Exclusive pic.twitter.com/CHnMTKWYlP
— Shama Junejo (@ShamaJunejo) July 2, 2017
برطانیہ میں مقیم خاتون صحافی شمع جونیجو نے اپنے ٹوئٹر اکاؤنٹ پر تصویر شیئر کرتے ہوئے تحریر کیا کہ ’’دنیا کی سب سے عمر رسیدہ (سینئر) ائیرہوسٹس اس چہرے کے ساتھ مسافروں کو خوش آمدید کہتی ہیں‘‘۔ اس ٹوئٹ میں انہوں نے ہنسنے والا ایموجی بھی استعمال کیا تھا۔
Sabira wants me to share some of her photos on Twitter abt the “stressful”journey over the yrs
PIA job!
Bande ko Kia se Kia bana deti hai! pic.twitter.com/jHeFO0i3ID
— Shama Junejo (@ShamaJunejo) July 4, 2017
خاتون صحافی نے ٹوئٹ کیا تو سماجی رابطے کی ویب سائٹ پر ایک طوفان برپا ہوگیا اور سب نے ائیرہوسٹس کا مزاق اٹھانے پر شمع جونیجو کو کرارے جوابات بھی دیے جبکہ کچھ صارفین نے یہ بھی کہا کہ اگر کوئی خاتون محنت سے روزی کمارہی ہیں تو اس میں مذاق اٹھانے کی کوئی بات نہیں ہے۔
سماجی رابطے کی ویب سائٹس پر ہونے والی تنقید کے بعد شمع جونیجو نے ائیرہوسٹس (صابرہ) کی مزید تصاویر شیئر کی جس میں انہوں نے لکھا کہ جب پہلی تصویر شیئر کی تو صابرہ اسے دیکھ کر خود بھی ہنس پڑی تھی بعد ازاں انہوں نے مجھے اپنی دیگر تصاویر بھی دی اور ملازمت کے دوران پیش آنے والے مسائل سے بھی آگاہ کیا۔
Sabira wants me to share some of her photos on Twitter abt the “stressful”journey over the yrs
PIA job!
Bande ko Kia se Kia bana deti hai! pic.twitter.com/jHeFO0i3ID— Shama Junejo (@ShamaJunejo) July 4, 2017
اس تمام تر صورتحال کے بعد پی آئی اے کی انتظامیہ بھی میدان میں آئی اور انہوں نے ائیرہوسٹس کی تصویر اپنے آفیشل اکاؤنٹ سے شیئر کرڈالی
Spreading smiles in the skies with this face. Proudly serving PIA with professionalism and fearless commitment. #PIACabinCrew #PIASmiles pic.twitter.com/jZwzlfAcBT
— PIA (@Official_PIA) July 6, 2017
پی آئی اے ٹوئٹر پر شیئر ہونے والی صابرہ رضوی کی تصویر کے ساتھ لکھا گیا ہے کہ ’’آسمان کی بلندیوں پر مسکراتے چہرے کے ساتھ مسافروں کو خوش آمدید کہنے والی پی آئی اے کی جانثار ملازم جو بے خوفی کے ساتھ خدمات سرانجام دے رہی ہیں‘‘۔
