کراچی : پاکستان انٹرنیشنل ایئرلائنز (پی آئی اے) نے عمرہ زائرین کے لیے بڑا اعلان کردیا، جس کا اطلاق رواں ماہ سے 15نومبر 2024 تک ٹکٹیں لینے والوں پر ہوگا۔
تفصیلات کےمطابق ٹورنٹو سے بذریعہ لاہور سعودی عرب جانیوالے عمرہ زائرین کیلئے اچھی خبر آگئی ، پی آئی اے نے عمرہ زائرین کو ٹکٹوں میں 15 فیصد رعایت دینے کا اعلان کردیا۔
ترجمان کا کہنا ہے کہ اطلاق رواں ماہ سے 15نومبر 2024 تک ٹکٹیں لینے والوں پر ہوگا، مسافررعایت والی ٹکٹوں پہ یکم اگست سے 15نومبر تک سفر کر سکیں گے۔
یاد رہے 7 اپریل کو عمرہ کے کرایوں میں 30 فیصد کمی کی گئی تھی اور یہ جدہ، مدینہ، ریاض اور دمام جانے والے زائرین کے لیے 11 اپریل تک موثر رہی۔
مکہ مکرمہ کی عظیم الشان مسجد میں سال بھر عمرہ کی زیارت کی جاتی ہے، اس ماہ کے شروع میں عمرہ کا نیا سیزن شروع ہوا، دنیا بھر سے 1.8 ملین مسلمانوں نے سالانہ حج کی سعادت حاصل کی۔
واضح رہے کہ سعودی عرب مبینہ طور پر عمرہ کرنے والے مسلمانوں کی تعداد بڑھا کر سالانہ 30 ملین تک پہنچانا چاہتا ہے۔
