کراچی: پی آئی اے کی اسلام آباد سے ٹورنٹو جانے والی پرواز کو کراچی میں ٹیکنیکل لینڈنگ کرنی پڑ گئی۔
تفصیلات کے مطابق ترجمان قومی ایئرلائن نے کہا ہے کہ اسلام آباد سے ٹورنٹو جانے والی پی آئی اے کی پرواز پی کے 781 بوئنگ 777 طیارے میں فنی خرابی واقع ہو گئی تھی، جس کے باعث اس نے کراچی ایئرپورٹ پر ٹیکنیکل لینڈنگ کی۔
ترجمان نے بتایا کہ طیارے کے پر کے ہائیڈرالک سسٹم میں فنی خرابی واقع ہو گئی تھی، تاہم کراچی ایئرپورٹ پر اتارے جانے کے بعد اس کی فنی خرابی دور کر دی گئی ہے۔
ترجمان کے مطابق طیارے کی ری فیولنگ کے بعد اب یہ پرواز سہ پہر ساڑھے 3 بجے ٹورنٹو روانہ ہوگی، فنی خرابی دور کیے جانے کے بعد انجینئر ری چیک کر رہے ہیں۔
