The news is by your side.

Advertisement

دل کے ایکسپائر اسٹنٹس، حکام کا متاثرہ مریضوں سے متعلق اہم فیصلہ

لاہور: پنجاب انسٹیٹیوٹ آف کارڈیالوجی میں جن مریضوں کو دل کے ایکسپائر اسٹنٹس لگائے گئے تھے، ان سے حکام نے رابطہ کرنے کا فیصلہ کیا ہے۔

تفصیلات کے مطابق پی آئی سی میں مریضوں کو ایکسپائر اسٹنٹس ڈالنے کے معاملے پر سیکریٹری صحت ڈاکٹر احمد جاوید قاضی نے  دل کے ماہرین کے ساتھ رات گئے ہنگامی اجلاس میں ملاقات کی۔

ہنگامی اجلاس وزیر اعلیٰ پنجاب عثمان بزدار اور وزیر صحت ڈاکٹر یاسمین راشد کی ہدایت پر کیا گیا، اجلاس میں پی آئی سی میں ایکسپائر اسٹنٹس ڈالے جانے والے مریضوں سے رابطہ کرنے کا فیصلہ کیا گیا۔

پنجاب، دل کے مریضوں کو ایکسپائر اسٹنٹ ڈالنے کا معاملہ عدالت پہنچ گیا

سیکریٹری صحت نے ہدایت کی کہ ان مریضوں سے فوری رابطہ کیا جائے، ان کے طبی معائنے کو یقینی بنایا جائے گا، نیز ایکسپائرڈ اسٹنٹس کے استعمال میں ملوث افراد کو قرار واقعی سزا دی جائے گی۔

پنجاب کے سب سے بڑے اسپتال میں دل کے مریضوں کو ایکسپائر اسٹنٹس ڈالے جانے کا انکشاف

یاد رہے کہ یکم ستمبر کو پنجاب کے سب سے بڑے امراض قلب کے اسپتال میں سنگین غفلت کا انکشاف ہوا تھا، رپورٹ سامنے آئی تھی کہ دل کے مریضوں کو زائد المیعاد اسٹنٹس ڈال دیے گئے ہیں، پی آئی سی میں 15 مریضوں کو زائدالمعیاد اسٹنٹس ڈالے گئے تھے۔

آج لاہور ہائی کورٹ میں زائد المیعاد اسٹنٹ لگانے کے خلاف ایک شہری نے درخواست بھی دائر کر دی ہے۔

Comments

یہ بھی پڑھیں