لندن: سابق انگلش کرکٹر کیون پیٹرسن نے انگلینڈ کے ہاتھوں بھارت کی شکست پر بھارت کو اپنا پرانا ٹویٹ یاد دلایا۔
تفصیلات کے مطابق سابق انگلش کرکٹر کیون پیٹرسن نے سماجی رابطے کی ویب سائٹ ٹویٹر پر لکھا کہ ’بھارت یاد ہے میں نے پہلے ہی وارننگ دی تھی کے اتنا جشن نہ منائیں جب آپ نے آسٹریلیا کو ان کے گھر میں ہرایا تھا۔
India , yaad hai maine pehele hi chetawani di thi ke itna jasn na manaye jab aapne Australia ko unke ghar pe haraya tha 😉
— Kevin Pietersen🦏 (@KP24) February 9, 2021
واضح رہے کہ کیون پیٹرسن 20 جنوری کو کیے گئے ٹویٹ کا حوالہ دے رہے تھے جب انہوں نے بھارتی ٹیم کو مبارک باد دینے کے ساتھ کہا تھا کہ اصلی ٹیم (انگلینڈ) دو ہفتوں کے بعد آنے والی ہے۔
بھارتی ٹیم کو گھر میں 2017 کے بعد انگلینڈ کے ہاتھوں پہلی بار شکست ہوئی، اس سے قبل آسٹریلیا نے بھارتی ٹٰیم کو پونے میں شکست دی تھی۔
India 🇮🇳 – yeh aitihaasik jeet ka jashn manaye kyuki yeh sabhi baadhao ke khilaap hasil hui hai
LEKIN , ASLI TEAM 🏴 😉 toh kuch hafto baad a rahi hai jisse aapko harana hoga apne ghar mein .
Satark rahe , 2 saptaah mein bahut adhik jashn manaane se saavadhaan rahen 😉
— Kevin Pietersen🦏 (@KP24) January 19, 2021
یاد رہے کہ انگلینڈ نے بھارت کو چنئی ٹیسٹ میں227 رنز سے شکست دے کر سیریز میں 0-1 کی برتری حاصل کرلی، 420 رنز کے ہدف کے تعاقب میں بھارتی ٹیم 192رنز پر ڈھیر ہوگئی۔
انگلینڈ کے جیک لیچ نے چار اور فاسٹ بولر جیمز اینڈریسن نے تین کھلاڑیوں کو آؤٹ کیا، انگلش کپتان جو روٹ کو شاندار ڈبل سنچری اسکور کرنے پر میچ کا بہترین کھلاڑی قرار دیا گیا۔
