انگلش کرکٹ ٹیم کے سابق بیٹڑ کیون پیٹرسن نے ٹی ٹوئنٹی ورلڈ کپ کے فائنل سے متعلق بڑی پیش گوئی کردی ہے۔
پیٹرسن کا کہنا ہے کہ جمعرات کو ایڈیلیڈ اوول میں ہونے والے ٹی ٹوئنٹی ورلڈ کپ کے سیمی فائنل میں بھارت کو شکست دینے کے بعد پاکستان انگلینڈ سے خوفزہ ہوجائے گا۔
انہوں نے کہا کہ ’ایک شاندار بھارتی ٹیم کے خلاف ایک شاندار سیمی فائنل پرفارمنس کی وجہ سے پاکستان خوفزدہ ہوگا‘۔
انگلینڈ کے سابق آل راؤنڈر روی بوپارہ نے بھی کیون پیٹرسن کی بات سے اتفاق کرتے ہوئے کہا کہ انگلینڈ کی ٹیم لاجواب ہے اور وہ بین الاقوامی کرکٹ سمیت ڈومیسٹک کرکٹ میں بھی باہر نکل کر شاٹس کھیلتے ہیں۔
یہ بھی پڑھیں: ٹی 20 ورلڈ کپ کا بہترین کھلاڑی کون ہوگا؟ فہرست جاری
واضح رہے کہ ٹی ٹوئنٹی ورلڈکپ کے پہلے سیمی فائنل میں پاکستان نے شاندار بلے بازی اور بولنگ کی بدولت نیوزی لینڈ کو 7 وکٹوں سے شکست دی تھی۔
جبکہ انگلینڈ نے جوز بٹلر اور ایلکس ہیلز کی تباہ کن بیٹنگ کی بدولت دوسرے سیمی فائنل میں بھارت کو شکست سے دوچار کیا تھا۔
اب پاکستان اور انگلینڈ 13 نومبر کو ٹی ٹوئنٹی ورلڈکپ میں مدمقابل ہونگی۔
