کراچی: صوبہ سندھ کے دارالحکومت کراچی میں ڈبل سواری پر پابندی عائد کردی گئی، فیصلے کا اطلاق آج شام سے یکم جنوری 2023 تک ہوگا۔
تفصیلات کے مطابق محکمہ داخلہ نے شہر قائد میں دفعہ 144 نافذ اور ڈبل سواری پر پابندی عائد کردی گئی۔
محکمہ داخلہ نے پابندی کا نوٹیفکیشن جاری کردیا۔ نوٹیفکیشن کے مطابق فیصلے کا اطلاق آج شام سے یکم جنوری 2023 تک ہوگا، اس دوران اسلحے کی نمائش اور آتش بازی پر پابندی ہوگی۔
- Advertisement -
ڈی آئی جی ساؤتھ کا کہنا ہے کہ نئے سال کی آمد پر کچھ لوگ ہوائی فائرنگ اور آتش بازی کرتے ہیں۔
محکمہ داخلہ کا کہنا ہے کہ ڈبل سواری پر پابندی پولیس اور سیکیورٹی اداروں کی درخواست پر عائد کی گئی ہے۔
